အကင်စုံ စားကြမယ်...

ဟိုတစ်ရက်က common room ထဲမှာ Unit ထဲကသူငယ်ချင်းတစ်ချို့စုံမိကြတော့ ဟိုပြောဒီပြောနဲ့ အစားအသောက်အကြောင်း ရောက်သွားပါလေရော။
ဟိုဟာစားချင်တယ်၊ ဒီဟာစားချင်တယ်ပြောကြရင်းက နောက်ဆုံးမှာ အသားကင်စားကြဖို့ သဘောတူညီမှုရသွားတယ်။

ဆိုင်မှာသွားစားရင် တစ်ယောက်ကို ယန်း (၂၀၀၀-၃၀၀၀) လောက်ကုန်မယ့်အပြင် အချိန်လည်းကုန်တာမို့ Unitထဲမှာပဲ ကိုယ့်ဟာကိုယ် လုပ်စားဖို့ ဆုံးဖြတ်လိုက်ကြတယ်။
နောက်ပြီး အဆောင်က Unit တစ်ခုစီအတွက် အသားကင်တဲ့ လျှပ်စစ်မီးဖိုတစ်လုံးစီ ပေးထားတာကြောင့် အဲဒီမီးဖိုကို သုံးကြည့်ချင်ကြတာကလည်း အကြောင်းတစ်ခုပေါ့။
ဒါနဲ့ပဲ...မနေ့က စနေနေ့ညပိုင်းမှာ ဂျပန်သူငယ်ချင်း(၂)ယောက်၊ တရုတ်(၁)ယောက်နဲ့ ကိုယ်ရယ် စုစုပေါင်း (၄)ယောက် အကင်စုံ လုပ်စားဖြစ်ကြတယ်။
ကိုယ်ကတော့ အကင်လည်းသိပ်မလုပ်တတ်တော့ ကြက်ပေါင်ကြော်တာကို တာဝန်ယူလိုက်တယ်။
နောက်ပြီး ဖက်ထုပ်ကိုလည်း Microwave Oven ထဲထည့်ပြီး ပေါင်းပေးလိုက်ပါသေးတယ်။
ပြီးတာနဲ့ သူတို့ပြင်ဆင်ပေးထားတဲ့ထဲက ကိုယ်စားချင်တာလေးတွေကိုယူပြီး ကင်လိုက်၊ စားလိုက်လုပ်နေတာပေါ့...
စစချင်းတော့ (Yaki-Niku) အသားကင်ပါပဲ...
ခဏနေတော့ (Yaki-Yasai) အသီးအရွက်ကင်ဆိုပြီး ဂေါ်ဖီထုပ်၊ ပဲပင်ပေါက်နဲ့ ကြက်သွန်နီတွေကိုပါ ထည့်ကင်ပါလေရော...
နောက်ဆုံးကျတော့ (Yaki-Soba) ခေါက်ဆွဲကင်လုပ်မယ်ဆိုတော့ (ခေါက်ဆွဲကင်ဆိုတာကို တစ်ခါမှမကြားဖူးတော့) ကိုယ်တော်တော်လေးအံ့သြသွားတယ်...ကိုယ့်ကိုများနောက်နေတာလားလို့...
အဲဒီတော့သူတို့တွေက ခေါက်ဆွဲထုပ်ပေါ်မှာ ရေးထားတဲ့စာကိုပြပြီး ဒီခေါက်ဆွဲက ခေါက်ဆွဲကင်လုပ်တဲ့ ခေါက်ဆွဲဆိုပြီး ကိုယ့်ကိုရှင်းပြကြတယ်။
(ကိုယ်က သူတို့စာတွေလည်း မဖတ်တတ်တော့ တစ်ခါတုန်းက အဲဒီခေါက်ဆွဲထုပ်ကိုဝယ်ပြီး ပြုတ်စားဖူးသေးတယ်...)
အားလုံး တော်တော်လေးစားလို့ကောင်းတယ်။
၎-ယောက်လုံး ဗိုက်ပြည့်အောင်စားပြီးတာတောင်မှ စားစရာတွေကျန်နေသေးတာနဲ့ အဲဒါတွေအားလုံးကိုရောပြီး ခေါက်ဆွဲကြော်လိုမျိုးလုပ်လိုက်ပြီး နောက်နေ့အတွက် သိမ်းထားလိုက်ရသေးတယ်။
အဲဒီလောက်စားတာမှ တစ်ယောက်ကို ယန်း (၅၀၀)လောက်ပဲကျတာဆိုတော့ တော်တော်တန်တယ်လို့ပြောရမယ်။
ဒီဓာတ်ပုံက စစချင်းမှာရိုက်လိုက်တာဆိုတော့ ခေါက်ဆွဲကင်တွေ၊ တခြားစားစရာတွေ မပါလိုက်ဘူး။
နောက်ပိုင်းမှာတော့ အစားအသောက်ဖက်အာရုံစိုက်နေတာနဲ့ ဓာတ်ပုံထပ်ရိုက်ဖို့လည်း သတိမရတော့ဘူး။

နောက်တစ်ခုက ကိုယ်ကအဲဒီလို အမှတ်တရဓာတ်ပုံလေးရိုက်တော့ တရုတ်မလေးက သူလည်းရိုက်မယ်ဆိုပြီး သူ့ကင်မရာ သွားယူလာတယ်။
သူ့ကင်မရာလေးက ချစ်စရာလေး...
စားသောက်ပြီးကြတော့ သူ့ကင်မရာကိုယူကြည့်ပြီး ဟိုစပ်စု၊ ဒီစပ်စုလုပ်နေကြတာ...
ဒါနဲ့ သူက သူ့ကင်မရာက ပြုံးလိုက်ရင် Automatic ဓာတ်ပုံရိုက်နိုင်တယ်လို့ပြောတော့ ကိုယ်လည်းတစ်ခါမှမကြားဖူးတော့ မယုံတာနဲ့ ယူပြီးစမ်းကြည့်တာ...
ဟုတ်တယ်...သူ့ကင်မရာက Smile Detection ပါတာကိုး... (Touch Screen လဲပါတယ်)
ဒါနဲ့ ကိုယ်လည်း အင်တာနက်မှာ ရှာကြည့်တော့ Smile Detection ပါတဲ့ ကင်မရာတွေ အများကြီးပဲ။
သူများတွေတော့ သိပြီးသားဖြစ်ချင်ဖြစ်မှာပါ...
ကိုယ့်အတွက်တော့ တိုးတက်နေတဲ့ နည်းပညာတွေကို အံ့သြပြီးရင်း အံ့သြရင်းပဲ...
အဲဒီကင်မရာလေးက sony DSC-T77 တဲ့...Camera Case ရောပါပြီးသား ယန်း (၃၀၀၀၀) ၀န်းကျင်လောက်ရှိတယ်။